Qədir xum bayramınız mübarək
Həzrəti İmam Əli
Həzrəti imam Əli təriqətin piriydi,
İnqilabın mürşidi, aslanıydı şiriydi.
Məhəmmədin dininə inam, iman gətirən,
İlkin müsəlman olan möminlərdən biriydi.
İxlası , sədaqəti, Məhəmmədə bağlanan,
Zəmzəm suyu tək təmiz, göz yaşı tək duruydu.
Xeyirə açar olan, əsrara qıfıl vuran,
Hidayət imamımız hər şeydə mahir idi.
İslamın mübarizi, dəstində zülfüqarı,
Məhəmmədin dayağı-gücüydy, qüvvəsiydi.
Fikirləri ram edən, xəyallara yol açan,
Müsəlman dünyasının zəkasıydı nuruydu.
İslama xeyriyyəçi, Allaha sadiq qalan,
Məhəmməd ümmətinin zirvəsiydi,zəriydi.
Əlidi
Əzəl başdan din-islamı yaradan,
Bir Allahdı, Məhəmməddi, Əlidi.
Kəbəni islama qibləgah edən,
Bir Allahdı , Məhəmməddi, Əlidi.
Dinsizləri haqq yoluna gətirən,
Tikanlığda gül bağları bitirən,
Xainləri qəm gölünə batıran,
Bir Allahdı,Məhəmməddi, Əlidi.
Müqəddəs Quranı nazil eyləyən, ,
Ayələri kəlmə-kəlmə söyləyən,
Günorta vaxtında günü əyləyən,
Bir Allahdı, Məhəmməddi,Əlidi.
Kafirləri cəhənnəmdə yandıran,
Haqq yolunu insanlara qandıran,
Əliyi də qəm atına mindirən,
Bir Allahdı, məhəmməddi, Əlidi.